做好資料搜集是必需(旅行書籍或網上),申請 working holiday visa 嘅資格及手續,網上已有詳細資料,不在此談,只想分享一下少少心得。

要買旅遊保險,有個保障,睇醫生、藥好貴,好似有保險公司提供工作假期保險,大家上網 search (我唔清楚細節,因以前未有,一般旅遊保險只有一個為期最長182(大約半年)的旅遊保險可供購買)

可在香港申請YHA membership card,澳洲好多地方都有 discount,如 YHA hostelsGreyhound bus、參加local tour、景點入場費、戲院等等,可以慳唔少錢。  

 

大多數的外國backpackers 都用backpack,但我並沒有肌肉和體格,孭個20kg+背囊會相當吃力,我只用軟喼,途上沒有遇上不便。

 

行裝方面盡量輕便,日用品可在澳洲買,要去的是澳洲不是非洲,買東西好方便。使用「壽司捲法」整理衣物,不但衫的體積變小,還有防皺的功效。此外,用小包將零碎的個人物品分包整理,這樣東西便不會散落在喼中。

 

不用帶太多衫,足夠便可,但如Gore-Tex兩件式外套必備,平日可遮風擋雨,冬天套上內層好保溫。有啲local brand嘅衫都好平,去thrift shop(慈善二手貨店) 買衫都係唔錯嘅選擇。

 

睡袋沒必要,好多Hostel都唔俾開睡袋

 

可準備一本簿,請旅途中碰上的朋友留言,作為給自己的禮物,每次睇番都令我會心微笑。

 

CFMH5O.BITeqHnBoPvJ7_A.jpg

 

外國朋友都好鍾意中國菜,不妨學定啲簡單的餸,有機會的話用嚟招呼吓朋友。

 

太陽眼鏡係必需。

 

外國朋友對香港了解不多,會問吓香港嘅嘢,香港有幾大、人口有幾多等等,準備定啲資料,有相就更好。

 

要帶Adaptor, 澳洲是用三腳八字的插頭。

 

 

帶筷子,hostel雖有煮食用具、餐具提供,但個人認為筷子好好用,可作煮食用具和餐具。不是在澳洲買唔到筷子,只不過筷子咁細咁輕,帶埋無妨。

 

去醫生度配定啲平安藥,但記住過澳洲海關時要申報。

 

食物少帶為妙,若想帶都要check清楚有咩食物唔可以帶? 澳洲海關對攜帶入境嘅食物有嚴緊管制,肉類的食品(無論什麼包裝),植物種子,蛋類,動植物都是嚴禁帶入澳洲的,任何會構成疾病風險的物品都會被沒收,他們也是為了保護當地特有的生態。記住過澳洲海關時要申報,讓檢疫工作人員進行檢查。

 

晒衫繩、水壼、洗衣袋、電筒、針線包傍身無妨。

創作者介紹

傻雲之家

Winnie 發表在 痞客邦 PIXNET 留言(13) 人氣()


留言列表 (13)

發表留言
  • 麥提
  • Hi 你好!~
    我預備緊去working holiday D 野, 見你話睡袋唔洗帶
    但係我見到有D 人話睡袋係必需, 有D hostel 都無被.
    同埋有可能會有beg bug, 你有無試過呀?
    [版主回覆05/27/2013 21:53:07]Hi 麥提-亞胡!
    有啲hostel的確好污髒,但我幾好彩,未遇過bed bug。
    而睡袋,去農場打工可能是必需,但因行李空間有限,加上若果在城市打工,住hostel or shared house就用唔著(若hostel or shared house無被,可以買張平價的)。所以我suggest睡袋在aus有需要才買,可到2nd hand shop買,或有啲將離開aus的backpacker會免費送俾其他人。
  • MAU KI
  • 我想問下你呢!!!你係幾時去架??
    姐係你係讀完中學去呀...大學呀定ASSO/HD???
    因為我有幾個朋友反對我去><
    佢地話太早...造點都讀完HD先好去!!!!
    佢地話我心急....但我唔覺-.-
    因為我係想去完番黎先再讀!!!!><
    咁我應該點做><好煩丫><嗚!!!!
    [版主回覆10/27/2012 12:26:45]外國好流行gap year,約18 or 19 歲去另一個國家體驗吓,回國後繼續讀上去/工作。
    只要你有決心、做好準備、屋企人唔反對,你就應該去。因為如果讀完HD,情況可能會變,你的顧慮會更多。
    我是大學畢咗業,工作咗幾年先去。
  • MAU KI
  • 呾抽中既機會大唔大??
    CHECK 銀行
    [版主回覆10/25/2012 12:51:53]我無聽過有人俾抽中
  • MAU KI
  • 你好呀!!!想問下你一d有關問題!!!!
    我而家係一位學生!!!讀緊毅進文憑!!!
    我打算讀埋呢一年就去澳洲Working holiday!!!!
    我d朋友叫我讀埋hd先再去都唔遲...
    但係我想將件事倒轉黎行!!!!
    因為我有我既理想工作..就係空姐!!!!
    我知道語文係好重要...
    所以我打算先去澳洲1-2年...番黎試下考空姐!!!!
    考唔到既話就繼續讚讀上hd!!!!!!咁樣做好唔好呢???
    照我個人角度..我相信效果一樣...只係我倒轉黎行呢條路!!!!
    同埋我想問下...如果佢要銀行資料的話....我戶口需要有幾多錢呢???
    連埋機票的話!!!!
    唔好意思.><一次過講咁多><但係我覺得而家plan定差唔多!!!
    打算下年6月就申請...想收集多d人既意見!!!!!!!!麻煩你><!!!!!!
    [版主回覆10/24/2012 12:42:08]Hi MAU LI
    其實幾時去都無所謂,最緊要你有清晰的目標,我會支持你。去澳洲Working holiday後,我自己有好大的得著,因為當你step back,可看得更闊,有機會重新了解自己。當然,一個人在澳洲生活,我變得更獨立、大膽。我相信對你投考空姐會有幫助。
    Working holiday visa 可在當地報讀短期的英文課程(max of 4 months) ,你可考慮一下。
    若被抽中檢查,需交financial證明(bank statement) ,澳洲入境處網頁提及,一般而言,AUD5,000 may be regarded as sufficient。More info: http://www.immi.gov.au/visitors/working-holiday/417/
    希望可以幫到你^^
  • Venus
  • HALO啊, 我見你話申請過2次WORKING HOLIDAY,, 我想問最多可以去幾次架?
    [版主回覆10/23/2012 12:54:15]Hi,Venus
    因為在第一個「工作假期」期間,從事至少三個月季節性工作,可申請第二個「工作假期」簽證,並可延長留澳時間12個月。
  • kayan
  • halo~ 你好! 我想問下去 aus working holiday 3 個月要用幾錢到 呀??? 因為我只係一個學生..無咩錢去support 太多ge 旅費..而我又係自己一個女仔去.. 所以咩都會以安全第一..所以想問下.... 由 air ticket 開始計..d visa 簽證費..body check 費..etc.... 我去3 個月要用幾錢到呀 !??? $20000-$30000 可以 全包 ma???
    [版主回覆09/20/2012 21:26:31]搵工最好「掃街」,即係帶埋CV逐間問。可上網搵,可試吓 Gumtree Australia,仲有好多 work for accommodation嘅ad,share house info 都有。agent 我唔清楚。有時hostel都有 notice board,或其他 backpackers 介紹。
    [kayan回覆09/19/2012 20:40:07]多謝你ge 回覆呀!!! thx!! 我希望可以好好彩咁搵到工做la.!!! 咁搵工個d 又要點搵ka??? 去到個邊..睇報紙搵定agent 搵ka??
    [版主回覆09/19/2012 13:41:08]搵工好靠運氣,有backpacker在cafe打工、bakery、pub、hotel 做執房、sales、etc。Farm 可能係 fruit picking/pruning,都有好多亞洲女仔做。打工交換食宿有好多種,我做過hostel,一日2hrs (執房/清潔/reception) 換住宿,時間較flexible,就算有正職都可繼續。我亦在cattle farm 工作換取住宿和三餐,只係做吓家務。
    你要俾心機!
    [kayan回覆09/18/2012 20:10:54]thank you so much!!! 你的回覆真係好詳細!! ^^ 我都會打工..都最驚搵唔到... 有好多人都講去farm 到做..但係我知我自己唔係好捱到d 日曬雨淋...我又生得細細粒粒..我話做..人地麵唔知請唔請... 所以都希望可以搵到d 唔係好體力勞動的工作~ 係aus 多唔多chocie ka?? 重有... work for accomodation and food 又係d咩 type 的工作 ??
    [版主回覆09/18/2012 18:32:05]Hi Kayan,這很難說,唔同city消費也不同,我只可俾個rough idea。必要的費用,visa AU$280(~HK$2260) ,body check HK$350,機票大約HK$7880(星航,一年期,可改日期) ,保險(我唔知價,有一間保險公司提供工作假期的保險,一定要買,有個保障) 。在澳洲,若自己煮食,一星期AU$40應該夠,住同交通費最貴,唔同city都唔同。你可以試吓work for accommodation & food,即打工交換食宿,簡單來說,通常一天工作約四至六個小時不等,可以換取當天的住宿和三餐,有些工作時數短,約二至三個小時,因此僅提供住宿而不包三餐。
    希望可以幫到你^^
  • poyan
  • 想問下hostel同share house有咩唔同嫁? share house係唔係一人一間房, 廚師廁所廳共用?
    因為我係一個女仔去, 有無一啲專係同女仔share ga? 因為我未試過自己出去, 我最擔心安全問題, thank you so much!! :)
    [版主回覆08/27/2012 17:05:37]應該至少留到十月
    [poyan回覆08/26/2012 17:17:56]哦哦!!係呢...你朋友會係perth留幾耐啊?因為我都打算第一站去perth!
    [版主回覆08/24/2012 17:14:55]去完lu
    [poyan回覆08/23/2012 23:03:30]哦!我明啦!原來係咁!咁你呢?你去完定係黎緊去啊?
    [版主回覆08/23/2012 17:44:14]Hi poyan. 每間hostel 環境都唔一樣,簡單來說係租個床位, 幾多人一間房就唔定,20人都有,可選女仔房.要share廚房廁所廳.有啲好企理, 有啲不宜久留,你訂之前可以睇吓網上comments. 好處係可同來自不同地方的旅客交流.
    share house 係同其他人share一間house or flat,有機會係套房, 即係房内有廁所.
    一般來說,share house會平過hostel,但大多數的share house都係長租,短租就比較少.好難講share house定hostel安全啲,
    我都係一個女仔去, 一定要小心.我有朋友在Perth working holiday 中,若你想知多啲,可以幫你問吓,let me know
    希望可以幫到你,有問題唔怕問^^
  • Sandy
  • 我打算出年申請working visa (7月前, 因7月1日價錢會加價)
    [版主回覆06/02/2012 13:09:22]謝謝Sandy到訪. 網上申請很簡單,要加油喔!
  • A
  • Hey~你好:)
    我想問去到先揾工同住嘅地方會唔會好"呢hea"呢?
    Um..如果想係去前揾定又有咩途徑?thz a lot: D
    [版主回覆05/18/2012 12:09:54]Hi, A. Better to book a hostel before, for 1 week only. Once you arrived, you then decide where you want to stay, hostel or share house, etc. You can go to Gumtree website to have a look for share house or jobs. Do some research on the internet.
  • joyce
  • Halo ~你好! 我剛剛在網上遞交了申請, 還差照肺的報告, 請問最遲要什麼時候遞交?
    [版主回覆05/17/2012 15:38:36]Hi, Joyce. I am not sure about this, but do it ASAP. I did the X-ray within two weeks time. And I got the visa granted 2 or 3 days after the X-ray.
  • Kathy
  • 原來係咁,你去個時係幾時申請架?銀行既$係咪申請visa個時就要交證明?其實我仲諗緊去Ireland定澳洲好~sorry ar咁多問題
    [版主回覆05/08/2012 11:58:57]我六月申請,網上申請時無需交證明,但有機會被抽中檢查,需交證明,我兩次申請(1st and 2nd year)都無需交銀行證明。
    澳洲比較熱門,是不錯的選擇。
    希望可幫到你,有問題唔怕問,我知的都會同你share。
  • Kathy
  • wow..thanks for your sharing!!我都打算下年去,請問知唔知幾時係申請期??
    [版主回覆05/06/2012 15:01:39]謝謝 Kathy 到訪! 澳洲政府有定每年的 working holiday visa 限額,全年都可申請,無特定的申請期,額滿即止^^
  • 溫日繪
  • 祝你有個愉快的周日阿老友記,
    今日係佛誔,我佛慈悲、慈悲為懷。
    ....♥*♥...•*,我又有新的手繪漫畫發佈 , 如果得閒黎我個YAHOO BLOG 睇下
    [版主回覆05/03/2012 08:45:31]謝謝到訪!你要繼續努力, Have a nice day!
找更多相關文章與討論