傻雲之家

由The Market開業以來，我還是第一次去食自助午餐。(用餐日期: 8 Nov 2013)

相比其他酒店，地方較細，枱與枱之間距離太近，有點嘈雜，略嫌櫈不太舒適。服務不俗，但有些服務員是大學實習生，仍有改進空間。

走進食物區，右手邊第一張食物枱擺放了水果、沙律和冷盤、麵包、各式芝士。水果有西瓜、哈蜜瓜、 菠蘿、原個奇異果、原個青蘋果和原個柑仔，廚師把生果切得很大塊，吃生果都可以吃飽！沙律和冷盤就提供了十多樣，當中以意大利巴馬火腿最受歡迎(可看見整隻火腿)，廚師介紹蘸上黑松露蜜糖汁同吃！菜都很新鮮，調味料和配料都很多，選擇不少呢。

海鮮和刺身就提供了甜蝦、三文魚、帆立貝、中蝦、翡翠螺、青口、小龍蝦、長腳蟹等等，還有各式壽司。海鮮很新鮮，長腳蟹多肉、蟹肉彈牙鮮、超鮮，但凍蝦和青口是完全冇味！刺身大大件，三文魚肥美，甜蝦很鮮甜~

自助餐以東南亞美食做主打，有泰式木瓜沙律、炒咖喱蟹、喇沙、海南雞飯、泰式豬頸肉等等。Grill section有肉眼扒(但我唔食牛)、羊架(太生了)、兩款德國腸、粟米、黃肉蕃薯、紫肉蕃薯，唯蔬菜就燒得比較乾。熱葷還有pizza、三文魚頭、日式炸豬扒、麵牛肉、盅湯(椰子炖雞湯)、炒西蘭花等等。我推介:
- 德國腸，內裡黑椒粒帶出香味
- 盅湯，老火湯夠味，唔會太油，正！

甜點可算是餐廳的亮點！甜品區就設在入口的當眼處，超過15款甜點，全部細細件、的的式式，啱晒多心的我，有即制泡芙、Movenpick 雪糕、自制雪芭、焦糖燉蛋、奶凍、朱古力蛋糕、D24榴槤雪糕、綠茶朱古力蛋糕...必吃之選:
- 抹茶奶凍，賣相已是超吸引，蛋殼形小杯，好可愛，抹茶香濃，質感滑溜
- D24榴槤雪糕，真材實料，啖啖榴槤蓉，好rich好好食！(本身都食榴槤，但唔係十分喜歡嗰種)

加埋杯熱檸蜜，好完美喔!

價錢$288 +10%，食物款式多，也有很多自家名物，值得再來!