傻雲之家

激光矯視後已經三年了!  

重見光明後的生活真的方便了很多。 

從小學一年級開始戴眼鏡，三年前的我更深近視和散光。若不戴眼鏡，視力很模糊，好像相片加了特效變得模糊不清。其實心思思想做激光矯視好耐，但始終唔敢。眼見朋友B做咗激光矯視幾年，完全無問題，再加上好友W剛做咗激光矯視，便把心一橫，決定做矯視。 

需知道進行任何手術都有一定的風險，我捉住好友W問問問，再上網搵資料，仲報埋心儀矯視中心嘅免費講座。進行激光矯視前，必須接受眼睛檢驗，看是否適合接受激光矯視手術，聽取醫生的意見。

入手術室前，護士叫我放底副眼鏡在儲物櫃，從那一刻開始，我便不用再戴眼鏡了，回復清晰視力。激光矯視手術過程非常快捷，一雙眼睛需時約廿分鐘，過程中保持清醒，並無痛楚。但手術前的準備及手術後的檢查等需時 , 手術當日需逗留在中心大概兩小時。護士會於我眼睛滴麻醉藥，醫生便會利用儀器撐開眼皮，在角膜上套上小吸環，以儀器切割出一片很薄的角膜層板，然後揭開這片角膜層板。須按醫生指示，固定注視燈號，激光便會開始在角膜內層進行打磨，完成後，醫生會把角膜層板蓋回原位。無須縫針，醫生再滴下眼藥水後，手術便完成，傷口會自動漸漸癒合。過程中會聞到東西燒焦的味道。

手術後護士為我貼上眼罩(見圖)，變成鹹蛋超人，當天要戴著來睡覺，不能脫下的！第二日覆診前可以脫下。另外，每晚睡覺時也需戴著（維持兩星期）。大部份人於手術後第二天便可回復七至八成的視力，不過會因人而異，而視力會於三至六個月內可完全恢復。三至六個月以後，視力會逐漸穩定。

想做嘅朋友，最好問吓做過嘅人邊個醫生好，就算自己搵嘅，都要感覺良好，對佢完全信任，若有猶豫，再找第二個醫生。